210417 Megalitos del Padrún
SITUACIÓN: Aller (Asturias)
PUNTO DE PARTIDA: Boo (420 m)
ACCESO: Desde Moreda pola AS – 112 (2,5 km desde Moreda)
HORARIO: 4/5 horas DESNIVEL: 800 m DISTANCIA: 15,5 km
DIFICULTADE: Media TIPO DE RUTA: Circular MAPA: I.G.N. – 53 – III – 78 – I
COTA MÍNIMA: Boo (420 m) COTA MÁXIMA: Padrún (1 195 m)
SINOPSE: Parte desta ruta discorre baixo a serra de Ranero, sendo a ladeira que cae sobre Moreda máis moderada que a que baixa cara ao val de Lena, dando lugar a terrazas onde se asentan as brañas e prados.
DESCRICIÓN DA RUTA: En Boo comezamos a andaina saíndo pola pista que vai a Bustiyé. Neste lugar, xiramos á dereita é logo de pasar a fonte comezamos a subida cara ao alto de El Padrún. A pista sobe pola antiga zona mineira chamada Quentu Marianes por onde comezamos a ganar altura cara a Quentu Cazurrín e pouco despois internámonos no bosque de faias de El Faillín, onde se suaviza a pendente do camiño e proseguimos ata chegar a La Carrera.
Comezamos unha subida que nos leva ata Quentu Les Cruces onde nos desviamos á esquerda para ir a ver os Megalitos de El Padrún, unha necrópolis da época Neolítica.
Volvemos os nosos pasos ata o cruce anterior para coller o camiño chamado Vía de la Carisa que nos leva á Majada Espines, onde existe un bo miradoiro é unha fonte sen auga. O camiño segue por debaixo do pico Ranero, ao que podemos subir con pouco esforzo para ter unhas vistas impresionantes das Ubiñas, a serra do Aramo o concello de Lena por un lado e o de Mieres polo outro, Oviedo e todo Aller por outro.
Logo de baixar ao camiño que traíamos, seguimos pola zona de La Campa, Los Fueyos, L´Acebal e Las Cruces, onde xiramos á dereita para dirixirnos a Boo pola zona de La Provia, comezando unha baixada ata a praza do lugar.
