270326 Cerro Jimio
Enlaces a: wikiloc / fotos / pdf castelán
SITUACIÓN: Parque Nacional de Monfragüe
Concellos: Serradilla e Torrejón El Rubio (Cáceres)
PUNTO DE PARTIDA: Villarreal de San Carlos (320 m)
ACCESO: Desde Plasencia pola estrada EX – 208
HORARIO: 3 h DESNIVEL: 285 m DISTANCIA: 7,5 km
DIFICULTADE: Baixa TIPO DE RUTA: Circular – ida e volta
COTA MÍNIMA: Ponte do rego Malvecino (206 m)
COTA MÁXIMA: Cerro Jimio (374 m)
MAPA: I.G.N. – 623 – III
DESCRICIÓN DA RUTA: Saímos dese a parte alta de Villarreal, xunto á estrada por un camiño ancho de terra que logo duns oitocentos metros deixamos para seguir por un carreiro á esquerda percorrendo a ladeira esquerda do rego Malvecino.
Cruzamos un pequeno rego por unha ponte e un pouco máis adiante tamén cruzamos o rego Malvecino por outra ponte. Logo de cruzar por esta ponte subimos uns cincocentos metros ata o cruce (292 m) con o GR – 113 que segue cara a Serradilla.
Neste punto, xiramos á esquerda para seguir con a subida que nos levará ao alto deste outeiro logo de camiñar outros oitocentos metros e subir outros oitenta.
No cume existen os restos dunha atalaia romana desde a que podemos gozar de espectaculares e fermosas vistas do Salto del Gitano, o Taxo e os regos de Barabaón e Malvecino.
Baixamos de novo á base deste outeiro temos dúas opcións de volta a Villarreal; unha por onde viñemos e outra remontando a ladeira dereita do rego Malvecino.
Esta última é a que imos facer, remontando pola marxe dereita do rego chegamos a unha ponte de pedra, collendo un camiño con chanzos de madeira que sobe levándonos ao tramo superior e máis chan do rego. Neste punto volvemos ao GR – 113 compartindo un cacho o mesmo percorrido ata chegar a unha ponte de pedra e un parque de merendas.
Seguimos un tramo chan pola pista collendo máis adiante un carreiro á esquerda que nos vai levar ao camiño de ida, xa moi preto de Villarreal.
