23 09 17 DE CÁRAVES A ARENAS DE CABRALES POR CABEZA ROBRE
| PUNTO DE SAÍDA | TRAZADO DA RUTA | GALERÍA DE FOTOS | PDF CASTELÁN | MAPA PARA IMPRIMIR |
SITUACIÓN: Sierra de Juan Robre (Peñamellera Alta e Cabrales)
PUNTO DE PARTIDA: Na estrada AS – 114 (cruce a Cáraves)
ACCESO: O punto de partida está na estrada AS – 114 Arenas de Cabrales - Panes
HORARIO: 6/7 horas DESNIVEL: 1.250 m DISTANCIA: 15 km
DIFICULTADE: Media TIPO DE RUTA: Travesía MAPA: I.G.N. – 56 – I
COTA MÍNIMA: Punto de partida (85 m)
COTA MÁXIMA: Cabezu de la García (978 m)
SINOPSE: A serra de Juan Robre e un modesto cordal que se alínea entre os Picos de Europa e a Sierra del Cuera, separada dos primeiros polo Cares e do Cuera por un alto val que acolle a maioría das aldeas da Peñamellera Alta. Na vertente sur desta serra sitúase unha gran plataforma ocupada por numerosas cabanas, son as majadas de Nava.
Nava é un dos lugares que aínda conservan e respectan as ancestrais leis dos pastos. Estas leis, de carácter local, eran necesarias nestas montañas cando a gandería era o único medio de supervivencia dos seus moitos habitantes. Hoxe a emigración xunto con outros medios de vida foron restando importancia a aquelas vellas normas de convivencia entre pastores.
Durante o verán ningunha res pace nas majadas de Nava, limitándose o seu uso a época das labores de sega. O silencio é o dono absoluto da paisaxe, pero o 1 de novembro rompe a tranquilidade porque centos de chocas resoan polos prados. Todos os rabaños que pasaron o verán nos puertos altos, son conducidos ata Nava; alí pasarán o inverno e parte da primavera, ata o 1 de maio do ano seguinte en que de novo, deberán abandonar o lugar.
A travesía a media pendente de case toda a serra, compleméntase coa visita a Nava. Pásase polo Collado de las Arniás, preto do Forcau del Cuernu, que con 974 m. e o cume máis alto do sector. Dende Arniás poden verse os cumes máis altos do Macizo Central, asomando por riba de Portudera.
DESCRICIÓN DA RUTA: Como non pode subir o autobús á Cáraves, saímos desde a estrada AS – 114 , preto de Trescares, no cruce que sobe a dita poboación.
Temos que subir 2,5 km por estrada asfaltada ata o primeiro núcleo de poboación, Higares (300 m), onde, no remate do pobo, collemos un camiño ben marcado que parte en dirección oeste subindo cara a braña Pandiu (450).
Logo dun pequeno descanso, seguimos unha prolongada subida que nos deposita no Collau la Jaya (650 m) seguindo sempre o camiño que discorre polos estribamentos do Forcau Cuernu, que nos queda á nosa dereita.
Agora o camiño é bastante máis sinxelo, acadando as praderías de Nava (670 m) por unha fermosa zona de pasto, con cabanas e cadras espalladas pola zona.
Seguimos avanzando por chan con escasas sinais pero non teremos problema en orientarnos xa que temos que seguir en dirección oeste para saír destas praderías entre a Concha de la Trema e o Cantu la Cabreriza.
Estamos no Collado de Arniás (812 m), onde collemos á dereita para subir pola ancha canle de La Cogaiza que ten unha enorme cova á esquerda no sentido da subida.
Así chegamos ao Jorcau del Cuerno (975 m), que ten vertixe xeodésico continuando ata o punto máis oriental que é Cabezu de la García (978 m). Desde aquí seguimos atravesando monte de faias por chan moi irregular baixando ata a braña de Puerto Lles (785 m) que está totalmente en ruínas. Pasamos xunto a unha fonte con bebedeiro por carreiros que pican algo cara arriba en dirección ao cume de Cabeza Turueco (910 m) tendo tramos de mal andar na súa parte alta.
Baixamos sen problema as cabanas de Jucelagüelga (796 m) onde sae un carreiro que nos achega ao cume da Cabeza Robre (846 m). De novo volvemos ata as cabanas onde collemos un marcado carreiro que sen perda lévanos pola aresta do cordal de Los Sellones en cómoda baixada ata Arenas de Cabrales.