23 09 17 DE CÁRAVES A ARENAS DE CABRALES POR NAVA
| PUNTO DE SAÍDA | TRAZADO DA RUTA | GALERÍA DE FOTOS | PDF CASTELÁN | MAPA PARA IMPRIMIR |
SITUACIÓN: Sierra de Juan Robre (Peñamellera Alta e Cabrales)
PUNTO DE PARTIDA: Na estrada AS – 114 (cruce a Cáraves)
ACCESO: O punto de partida está na estrada AS – 114 Arenas de Cabrales - Panes
HORARIO: 4/5 horas DESNIVEL: 740 m de subidas /670 m de baixadas
DISTANCIA: 11,5 km DIFICULTADE: Baixa TIPO DE RUTA: Travesía
COTA MÍNIMA: Punto de partida (85 m) COTA MÁXIMA: Collado Arniás (812 m)
MAPA: I.G.N. – 56 – I
SINOPSE: A serra de Juan Robre e un modesto cordal que se alínea entre os Picos de Europa e a Sierra del Cuera, separada dos primeiros polo Cares e do Cuera por un alto val que acolle a maioría das aldeas da Peñamellera Alta. Na vertente sur desta serra sitúase unha gran plataforma ocupada por numerosas cabanas, son as majadas de Nava.
Nava é un dos lugares que aínda conservan e respectan as ancestrais leis dos pastos. Estas leis, de carácter local, eran necesarias nestas montañas cando a gandería era o único medio de supervivencia dos seus moitos habitantes. Hoxe a emigración xunto con outros medios de vida foron restando importancia a aquelas vellas normas de convivencia entre pastores.
Durante o verán ningunha res pace nas majadas de Nava, limitándose o seu uso a época das labores de sega. O silencio é o dono absoluto da paisaxe, pero o 1 de novembro rompe a tranquilidade porque centos de chocas resoan polos prados. Todos os rabaños que pasaron o verán nos puertos altos, son conducidos ata Nava; alí pasarán o inverno e parte da primavera, ata o 1 de maio do ano seguinte en que de novo, deberán abandonar o lugar.
A travesía a media pendente de case toda a serra, compleméntase coa visita a Nava. Pásase polo Collado de las Arniás, preto do Forcau del Cuernu, que con 974 m. e o cume máis alto do sector. Dende Arniás poden verse os cumes máis altos do Macizo Central, asomando por riba de Portudera.
DESCRICIÓN DA RUTA: Como non pode subir o autobús á Cáraves, saímos desde a estrada AS – 114 , preto de Trescares, no cruce que sobe a dita poboación.
Temos que subir 2,5 km por estrada asfaltada ata o primeiro núcleo de poboación, Higares (300 m), onde, no remate do pobo, collemos un camiño ben marcado que parte en dirección oeste subindo cara a braña Pandiu (450).
Logo dun pequeno descanso, seguimos unha prolongada subida que nos deposita no Collau la Jaya (650 m) seguindo sempre o camiño que discorre polos estribamentos do Forcau Cuernu, que nos queda á nosa dereita.
Agora o camiño é bastante máis sinxelo, acadando as praderías de Nava (670 m) por unha fermosa zona de pasto, con cabanas e cadras espalladas pola zona.
Seguimos avanzando por chan con escasas sinais pero non teremos problema en orientarnos xa que temos que seguir en dirección oeste para saír destas praderías entre a Concha de la Trema e o Cantu la Cabreriza.
Estamos no Collado de Arniás (812 m), punto máis alto desta travesía dese o que temos moi boas vistas do Macizo Central de Picos de Europa, pola esquerda quédanos a estrada AS – 114 e o río Cares.
Agora comeza a baixada, sempre cara ao oeste chegando así a fonte La Batua e máis adiante á fonte La Prida. O camiño agora é ancho é cómodo. Baixamos en amplos zigzags por unha ampla ladeira desde a que vemos o Cares moi abaixo.
Logo de atravesar unha marcada bagoada, o camiño traza unha longa diagonal atravesando a escarpada ladeira. Ao achegarnos ao val, entramos nun pequeno bosque de aciñeiras que axiña dan paso a castiñeiros e avelairas. Logo a través dos prados acadamos Arenas de Cabrales.