23 08 27 VILLANÚA - REF. DE ESPATA - REF. LA TRAPA - VILLANÚA
| PUNTO DE SAÍDA | TRAZADO DA RUTA | GALERÍA DE FOTOS | PDF CASTELÁN | MAPA PARA IMPRIMIR |
SITUACIÓN: Villanúa (Huesca)
PUNTO DE PARTIDA: Villanúa (950 m)
ACCESO: Villanúa está na estrada N – 330 Jaca - Somport
HORARIO: 4/5 horas DESNIVEL: 825 m DISTANCIA: 13,8 km
DIFICULTADE: Media TIPO DE RUTA: Circular
COTA MÍNIMA: Villanúa (950 m) COTA MÁXIMA: Ref. de La Trapa (1.750 m)
MAPA: Valle de Canfranc – Alpina 1:25.000
DESCRICIÓN DA RUTA: Comezamos a camiñar nada máis cruzar a ponte, en dirección norte, á Cova das Gixas. Axiña atopamos a saída do carreiro á dereita, deixando o camiño da cova á esquerda.
Logo dunha suave subida, seguimos pola pista que vai á Trapa camiñando por ela uns trescentos metros para volver a coller o carreiro. Logo de atravesar varios desvíos, pasamos xunto ao dolmen de Letranz continuando polo carreiro ata atoparnos de novo con a pista pola que camiñamos uns catrocentos metros ata unha curva á dereita onde collemos pola esquerda o camiño de Azus, perfectamente indicado cun cartel correspondente ao SL – HU – 1.1.
A pista gaña altura rapidamente e en pouco tempo cruzamos o barranco de Azus onde remata a pista para converterse nun carreiro. O camiño está perfectamente sinalizado don sinais de pintura tendo fortes pendentes ata a cota de 1.700 m onde o desnivel se suaviza entrando o carreiro nunha zona de herba aparecendo de seguida o refuxio de La Trapa (1.720 m).
Desde o refuxio sae unha pista de moi cómodo camiñar que nun percorrido de tres quilómetros achegaranos ao refuxio de Espata, cunha mesa de merendas ao lado onde temos un indicador a Villanúa – Fuente del Paco que temos que coller.
O carreiro, ben marcado con pintura verde e marela, é fácil de seguir. Baixamos paralelos ao barranco de Araguás para chegar á Fuente del Paco onde podemos parar a beber e refrescarnos. Xa queda menos de media hora para chegar de novo a Villanúa.